Ina saira da spoken word musicala

Hilde lavura en il servetsch extern – ed è tut ord flad. Sia glista da to do na piglia nagina fin ed ella survegn d’in cuntin novs messadis da l’auter mund. Sandy cloma: «Hey Hilde, take a breath, let’s sing». E Thommy: «Dureschnuufe und swinge!» Ma Hilde n’ha betg main che trais incumbensadras che na chapeschan insumma nagin spass. Nagina n’enconuscha l’expressiun work-life-balance (quella han ins inventà pir suenter lur mort), nagina na stat quieta (malgrà ch’ellas èn tuttas stagn mortas). Tgi èn las incumbensadras da Hilde? Tanscha ina saira per tut lur messadis? Kill your darlings – ussa propi, gist ils 28 da mars?

Cun: Hildegard Keller (text e teater), Sandra Suter (chant) e Thom Grüninger (piano)

Durada: 80 minutas

Hildegard Keller è enconuschenta ad in vast public sco raquintadra da «KriminellesZürich», sco reschissura dal film «Brunngasse 8» (2022), sco criticra litterara en la televisiun (tranter auter en il Literaturclub da SRF) e sco autura da romans («Was wir scheinen», 2021). Ella dissegna per animaziuns e cudeschs da cuschinar. Ses emprim cudesch da maletgs cumpara il mars 2025 en la chasa editura Edition Maulhelden. www.hildegardkeller