Brunch e litteratura per il Di internaziunal da la dunna

Ina mattatscha emprenda sin ina battaria il tact da l’imni naziunal tirc. Onns pli tard stat sia mamma davant la porta e la tira per maun enavos en Germania. Anc onns pli tard vegn ella bandunada d’in um ch’ella numna «Nagin». La brama suenter Nagin na la banduna dentant betg pli. Tut, mo betg daventar cinica.

En il roman «Principalmain betg il spiert dal temp» sa desplega il preschent durant 24 uras captivantas sco in tappet tessì. L’eroina dal roman è ina cosmopolita ed ina migranta. Ella sa deditgescha ad affirmaziuns e meditaziun, sa furma autodidacticamain en filosofia sociala e rotescha ils egls ad ina conferenza davart ils trops trists dals scienziads. Ella viagia a Triest ed emprenda d’enconuscher John, viagia en il passà ed emprenda d’enconuscher sasezza. Ella na vul betg esser moderna – ed è dentant tuttina.

Hayat Erdoğan è dramaturga, curatura e columnista. Ella ha studegià germanistica, anglistica e dramaturgia. Ella è stada stipendiata da perscrutaziun da la James Joyce Stiftung a Turitg e Triest, docenta a la Zürcher Hochschule der Künste e ha manà projects artistics e da perscrutaziun tranter Londra e Hong Kong. Dal 2019 fin il 2025 è ella stada co-directura e dramaturga al Theater Neumarkt a Turitg. «Principalmain betg il spiert dal temp» è ses roman da debut.

Prelecziun: Hayat Erdoğan
Moderaziun: Salomé Meier

«HAYAT ERDOĞAN RAQUINTA EN MODA IMPRESSIUNANTA E RICHA DA PLEDS DAVART CHASA ED ESTRANEITAD, DAVART IDENTITAD E PERDITA.»
BARBARA BLEISCH

Entrada libra

Annunziaziuns: kommunikation@lithaus.gr