Il turnier da jass per persunas giuvnas tranter 18 e 30 onns
Il Trumpf&Tonic Social Club è, per dir uschia, l’extensiun ludica da noss Philo Speed Dating. Durant l’ultima reflexiun communabla davart l’esser, l’identitad e la societad è in giavisch daventà adina pli ferm: viver dapli experientschas ensemen.
Perquai che talas pussaivladads per persunas giuvnas èn raras, schebain schizunt inexistentas, a Cuira, han persunas giuvnas da la citad prendì l’iniziativa e fundà in club da jass social. Perquai che giugar sulet fa simplamain be mesa tanta legria.
Tant sch’ins è principiant sco er profi: tuts èn bainvegni. Il pli impurtant tar Trumpf&Tonic èn l’inscunter, il star ensemen e passar in bun temp.
Annunzia ed informaziuns
Annunzia en teams u individuala – giugadurs singuls (Taxi-Jasser) èn a disposiziun
Annunzia cun num, num da famiglia e num dal team a: trumpfundtonic@gmx.ch
Taxa da participaziun: CHF 10.– per persuna (pajament sin plaz)
Moda da giugar: Schieber cun cartas franzosas
Il material vegn mess a disposiziun
Il plan exact dal gieu vegn elavurà tenor il dumber d’annunzias
Per dumondas essan nus gugent a disposiziun per e-mail: trumpfundtonic@gmx.ch
Nus ans legrain sin vus!
Elena, Vera, Elin e Lorenza