Poesias ord la Svizra, tschernidas e cun in’avertura dad Usama Al Shahmani

En la poesia pon tut las linguas vegnir a pled, perquai ch’ella è quel mument tranter: tranter bustabs, pleds e linguas. Quel tranter è in spazi che po vegnir emplenì be tras ina poesia.
Usama Al Shahmani ha tschernì per quest cudesch ord tut ils cudeschs lirics da l’editura Limmat sias poesias preferidas. Ils texts vegnan preschentads en la lingua originala ed en la translaziun tudestga. Uschia daventa la collecziun in maletg da la diversitad linguistica da la lirica svizra.
Las poesias mussan a l’editur la maniera d’ir enturn cun pleds – cun quels che dattan gia e cun quels che ston anc vegnir chattads. «In fil da seda als siemis» metta impressiunantamain en vista la forza creativa da la lingua.

Cun poesias dad Erika Burkart, Luisa Famos, Lina Fritschi, Georges Haldas, Giorgio Orelli, Fabio Pusterla ed anc blers auters.

Lectura: Usama Al Shahmani
Moderaziun: Vincenzo Todisco
Durada: ca. 70 minutas
Linguas: tudestg, talian, rumantsch, franzos