La pianista Vera Kappeler e la rappera e liricra Anna Frey èn s’inscuntradas l’emprima giada en ina bar. Ussa stattan ellas puspè ensemen sin tribuna: en duo, cun attenziun indivisa per il gieu da l’autra. Vera Kappeler ha dapi ditg ina gronda affinitad per texts e lur musicalitad; Anna Frey è sa deditgada ils ultims onns adina dapli a la lectura musicala ed improvisada da ses texts.

Lingua: tudestg

Anna Frey (*1987) è rappera, performera e liricra. Dapi passa ventg onns stat ella sin tribuna, tranter auter cun Anna&Stoffner sco er en diversas furmaziuns da duo. Ella ha studegià a la Scola auta da musica e teater ad Hamburg ed è er activa sin tribuna.
Il 2023 è cumparì ses emprim tom da lirica «SO EINE IST SIE» (die Brotsuppe), il 2025 è suandà «FEST». Parallelmain sviluppa ella programs da musica da spoken word e publitgescha cuntinuadamain nova musica.
Anna Frey viva e lavura a Turitg ed è mamma d’ina figlia.

Vera Kappeler è pianista ed ina da las vuschs las pli independentas dal jazz svizzer. Ses gieu sa sfurta a classificaziuns simplas: experimental, poetic, expressiv – e adina marcà d’ina scrittira fitg persunala ed inconfundibla. En la successiun dad Irène Schweizer e Sylvie Courvoisier tutga ella tar las represchentantas las pli impurtantas dal jazz contemporan al clavazin en Svizra.
Ella è vegnida distinguida tranter auter cun il Premi da promoziun da la citad da Winterthur ed il Premi da jazz da la ZKB (2008) sco er cun il Premi da jazz da la SUISA (2011). Sia activitad da concert l’ha manada a numerus festivals, tranter auter a Willisau, Cully, Schaffusa, Langnau, Stans ed Alpentöne.
Sper sia lavur artistica dat Vera Kappeler instrucziun da clavazin a la scola da musica Prova a Winterthur sco er a la Scola auta da Lucerna – Musica.