Lectura e conversaziun cun Meral Kureyshi

Lili va en la chasa d’attempads per esser vi da l’ur da ses um che ha basegn da tgira. Sia famiglia tschertga insatgi che la visita regularmain e che la sustegna en il mintgadi. La narratura en emprima persuna di: «Jau sun quest insatgi.»
Ella abita en la medema chasa sco Sophie, la nezza da Lili, e crescha ensemen cun ella il figl dad otg onns, Eric. Ma ella ha chattà ina plazza da lavur en ina citad lontana e dubitescha ussa da confidar ad omaduas che ella partirà bainprest.
Ella sa tgira dal spert e sabiond Eric e da la Lili che sa lamenta adina. Ella fa conversaziuns sperditas cun in servitur che, sco ella, deriva d’in auter lieu. Tuttina ha ella grevezza d’accettar che sia sora, diesch onns pli giuvna, n’è betg pli ina matta. Ella cumbatta cun la sminuziun da l’amicizia cun Sophie e cun la tristezza da la chasa d’attempads tranter Temesta e gieu da cartas. Cura che Lili mora finalmain, emprendan las dunnas giuvnas dad entschaiver danovamain.

Cun in sguard realistic ed in stil poetic illuminescha Meral Kureyshi la vita da dunnas sur pliras generaziuns e sviluppa in panorama profund da la famiglia en ils tempis dad oz.

Meral Kureyshi, naschida il 1983 a Prizren, è vegnida il 1992 cun sia famiglia en Svizra ed abita oz a Berna. Ella ha studegià litteratura e germanistica ed è activa sco autura libra. Ses emprim roman Elefanten im Garten è vegnì nominà per il Premi svizzer da cudeschs, premià pliras giadas ed è vegnì translatà en numerusas linguas. Ses segund roman Fünf Jahreszeiten è vegnì undrà en furma da manuscrit cun il premi da litteratura «Das zweite Buch» da la fundaziun Marianne e Curt Dienemann. L’onn 2020 è ella stada envidada als Dis da la litteratura tudestga a Klagenfurt (Premi Bachmann). Per Im Meer waren wir nie ha ella retschavì il 2025 in premi da litteratura dal chantun Berna.