Inspirada da la istorgia da vita da la pioniera Nicole Niquille, che l’onn 1986 (!) è entrada sco emprima dunna en il circul dals guids da muntogna, è naschida «La guida da muntogna». La producziun è ina collascha da texts dad Annemarie Schwarzenbach, Nicole Niquille ed Henriette d’Angeville sco er da texts novs da Romana Ganzoni. Ella maina il public sin in viadi al Lai Bianco e fa spazi per reflectar davart bellezza, poesia, blessuras, consolaziun e forza feminina.

«La guida da muntogna» è ina producziun dal festival cultural zeit:fluss per Sils e l’Engiadina. Arranschada da Franziska von Fischer, Romana Ganzoni e Till Löffler. Legida da l’actura e pledadra Franziska von Fischer e da Romana Ganzoni.

Durada: 60 minutas