Il tun da la pel da Toni tutga a la categoria cappuccino macchiato servì ina saira da november miaivla a Sri Lanka (tenor la categorisaziun naziunala da persunas d’ina autra colur). Ma betg mo il rassissem quotidian fa fastidis ad ella, mabain era las passiuns discutablas da sia famiglia per polissas d’assicuranzas, afferas, e-mails da scam e saivs dad iert. Plinavant ha ella cronicamain mal il chau ed ina sora schumellina ch’è bunamain dapertut meglra ch’ella. Mo cura che Toni guarda sia daily soap, po ella per in curt mument emblidar tut. Fin ch’ina giada gnanc quai na funcziuna pli.

L’interpresa da famiglia Banal & Bodeca è entant exposta ad in enorm shitstorm. Per sa deliberar da la reproscha da rassissem vul ella producir in’emissiun da telerealitad cun actur:as nair:as. Cura che las vias da las duas famiglias sa cruschan, sa sviluppanentretschaments nunspetgads. Tut las persunas participadas ston sa dumandar: N’è la vita sco tala betg er ina sort da soap opera? 
NORA OSAGIOBARE, naschida il 1992 a Turitg, ha studegià Scriver litterar a Bienna ed aVienna. Cun ses roman da debut «Daily Soap» è ella stada stipendiata dal lavuratori d’autur:as Prosa al Colloqui litterar Berlin ed ha survegnì ina contribuziun a l’ovra dal chantun da Turitg. Ella viva a Turitg.

Prelecziun: Nora Osagiobare