Carin Caduff vegn a preleger el Cinema Sil Plaz historias cuortas ord Furt e naven! mo era novs e frestgs texts. Pil pli texts els quals tragedia e cumendia van maun en maun a spass in cun l’auter. 

Jürg Gautschi prelegia historias cuortas o da «Cunterfem» e presenta è novs texts o dil mintgadi, dad inscunters cun sesez e cul mund, dad observaziuns, da frusts, disgusts e deletgs, da muments amars ed amureivels. In mosaic divertent cun ina buna prisa humor. En in lungatg direct e cun bien tempo. 

Carin Caduff ei naschida 1988 e carschida si a Vattiz/Val Lumnezia. Oz viva ella a Wädenswil e lavura sco pedagoga sociala. Ella porscha leu denter auter in luvratori da scriver per carstgauns cun impediments.

Jürg Gautschi (1963) ha studiau scolast secundar e pedagogia da teater. El ha luvrau bia onns per SRF sco schurnalist, autur da films documentars e producent dad emissiuns da musica live. Dapi entgins onns eis el autur e producent dils Cuntrasts dad RTR. Dasperas eis el autur e performer.