«Palaver for ever» è satira per rumantsch. Cun plima gizzada ed en la furma classica da la satira, cun exageraziun, ironia e sarcassem, crititgescha Roman Caviezel las persunas cun pussanza ed influenza da la politica, l’economia e la cultura. Da preferenza er instituziuns rumantschas sco la Lia Rumantscha, La Quotidiana u Radiotelevisiun Svizra Rumantscha. 

Ils texts pli curts davart temas actuals èn per regla cumparids sco columnas en La Quotidiana u èn stads d’udir sin l’emettur da radio da RTR. Ils texts pli lungs èn vegnids scrits per occurrenzas spezialas sco ils Dis da litteratura a Domat u sco scenettas da cabaret ed èn vegnids represchentads d’ina actura e cun accumpagnament musical.

Moderaziun: Chasper Pult
Lingua: rumantsch, tudestg

SPECIAL – LITTERATURA & CULINARICA: Cun in bigliet dubel pon ins giudair l’emprim in menu da trais plats en la Werkstatt e suenter laschar ir a fin la saira cun litteratura.